إعلامية تبعث رسالة إلي شيرين عبدالوهاب بعد حفلتها الأخيرة
خرجت الإعلامية ميار الببلاوي، بتوجيه رسالة للفنانة شيرين عبد الوهاب، عقب حفلها الأخير في ختام مهرجان قرطاج الدولى في تونس.
وصرحت ميار الببلاوي، في فيديو نشرته عبر حسابها الشخصي على موقع التواصل الاجتماعي "فيسبوك": "أنا شوفت شيرين عبد الوهاب وهي طالعة تتكرم من كام يوم، وشوفت الفستان اللي هي لابساه والوزن اللي وصلت لي، شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا.
واستكملت، "إنت مش ملك نفسك إنتي ملك جمهورك بفنك، وقبل ما تكوني ملك جمهورك إنتي مثل أعلى لبناتك، أنا عارفة إن حبك كان جامد والعلاقة كانت حلوة، قومي أقفي واثبتي وجودك، والبسي أحلى حاجة، وارجعي تاني ظبطي وزنك، أرجوكي بناتك كده يا إما هيبقوا عبيد لأزواجهم يا إما مش هيدخلوا في أي علاقة".
وتابعت: "وإحنا منتظرين شيرين اللي بنحبها، الجدعة المصرية الأصيلة، تاخد الخبطة وتقف تاني بـ 100 راجل".
ويذكر أن شيرين عبد الوهاب، تستعد لطرح أغنياتها الجديدة بعنوان "المترو"، والتي سيتم طرحها عبر قناته الخاصة على موقع الفيديوهات "يوتيوب"، ومنصات الموسيقى المختلفة، من كلمات أمير طعيمة وألحان عمرو مصطفى.
