العفي محدش يقدر ياكل لقمته
بقلم: أدهم الشويخ
فى الأمس القريب البنك الفيدرالي الامريكي رفع الفايدة ١٪ يوم الاربع والناس كلها كانت بتتوقع انهيار الجنيه المصري ومصر هتفلس ونقفل الدكان
مممم اقصد البنك المركزي!!
ميعرفوش ان مصر اصلا و روسيا والصين كانوا عارفين اللي بيحصل واللي هيحصل ومجهزين نفسهم.
هتقولي إمتى دا حصل !
هقولك فاكر لقاء السيسي و بوتين ورئيس الصين فى دورة الالعاب الاوليمبية الشتوية فى الصين .. !
ساعتها كانت مصر بتحول احتياطها الدولاري لدهب و بتشتري ٨٨ طن دهب
مش كدا وبس ....
دي مصر قالت خبطة بالمرزبة ولا ميت خبطة بشاكوش وراحت مخفضة سعر الجنيه من شهرين فاتوا ورفعت سعر الدولار
ودا خلى امريكا تعاقب مصر علشان خفضت عملتها
ايون امريكا امبارح قالت هنعاقب الدول اللي خفضت عملتها قصاد الدولار هي تقصد طبعا الصين ومصر
مش كدا وبس ....
دا البنك المركزي عمل شهادات ١٨ اللي بيها لم كل السيولة اللي في السوق
يعني محدش معاه يشتري دولارات ويخزنها
مش كدا وبس ....
دي الحكومة قالتلك اللي هيستورد لازم يفتح حساب فى البنك , والبنك هو اللي يخاطب البنوك بالخارج
يعني مش هتلاقي رجال اعمال او تجار بتخزن دولار
ايوا هيعملوا بيه ايه ما لازم يحطوه ف البنك علشان يعرفوا يستوردو اي حاجة !!!
وبكدا الحكومة هتضمن ان اللي هيستورد لازم يستورد بضاعة مضمونة ومن مكان مضمون ومتسجل ف البنك وليه مستندات رسمية فبلده
وكمان هتضمن ان مفيش رجل اعمال هيخزن دولارات
كدا الحكومة حزمت سوق العملة ... والدولار مش هيغلى ودا اللي مجنن امريكا وانجلترا علشان كانوا عايزين مصر تشحت منهم دولارات
مش كدا وبس .....
كمان فى مصر...
وزير الزراعة طلع وقال
مصر بتستهدف السنة دي زراعة مليون ونص فدان قمح ... !
بالبلدي كدا التصريح ده معناه ان مصر السنة اللى جاية هتكون عملت اكتفاء ذاتي من القمح ..
طبعا رأس الافعى معجبهاش الكلام ده ... اللي هو ....
يعني ايه شعب مصر مش هيجوع ويجيلنا راكع !
طب يلا بسرعة فجرولهم محطة معالجة المياه اللي فى سيناء علشان نوقف زراعة نص مليون فدان قمح هناك ونعطل التنمية !!!
يقوم الجيش يتصدى ليهم ويتجننوا اكتر واكتر
اللي بيحصل من يوم العيد واعلان خبر وفاة السيسي وتهكير مؤسسات اعلامية ومحاولة تفجير محطة مياه بحر البقر اللي هي اكبر محطة فالعالم
دا شغل اعلى من امكانيات الاخوان علشان دول بهايم بتاكل ف النجيل بس
احنا كدا بنلعب ف النهائي مع رأس الافعى ورأس كل المؤامرات فى العالم ... بريطانيا
وفى النهاية " العفي محدش يقدر ياكل لقمته "
