المخرج أحمد ثروت يرد على متابع تنمر على مرضه: ربنا ما يعرضك لمرضى
حرص المخرج أحمد ثروت نجل الفنان الكبير محمد ثروت، الرد على متابع تنمر على مرضه، وذلك عبر حسابه الشخصى على موقع التواصل الاجتماعي فيس بوك.
وعلق المتابع على أحد منشورات المخرج أحمد ثروت عبر فيس بوك قائلًا: أبوك طلع معاه فلوس أهو وبيعالجك كويس امال مش بيتبرع للبلد ليه".
ورد المخرج أحمد ثروت قائلاً: أستاذ سمسم، مساء الفل كل اللي على البر عوام، التنظير في المرض مؤلم لصاحب الإختبار جدًا وكل اللي أقدر أقولهولك ربنا إن شاء الله ما يعرضك أنت أو أولادك أو والدك أو ولدتك لمرض زي اللي عندي اللي لو معاك فلوس الدنيا مش بتفيدك غير رحمة ربنا عليك ودعوات الناس.
وتابع ثروت: أنا معرفش حضرتك بس صدقني عمري ما أتمني ليك دقيقة ألم من اللي بتعرضلها يوميًا حتي لو معاك مال الدنيا وبتتبرع البلد كل يوم، يومك جميل وربنا ما يكتبها عليك وإن شاء الله ماتشوفش وحش فى أي حد بتحبه في اختبار زي ده.
وقام الفنان الكبير محمد ثروت بالتعليق أيضًا قائلاً: "ابنى الغالى، أحلى شيء في البوست ده أنى ربنا أكرمنى واتأكدت أنى عرفت أربي راجل محترم زيك، ربنا يتمم شفاك على خير وترجعلى بالسلامة".
وكان تعليق هذا الشخص علي منشور المخرج احمد ثروت، أثار غضب الكثير من المتابعين والمحبين وقام بحذفه
